الحمد لله نحمده ونستعينه ونستغفره
ونستهديه الذي أرسل محمّدا عبده و رسوله
الذي أدّى الأمانة وبلّغ الرسالة ونصح للأمّة
وجاهد في الله حقّ جهاده وتركنا
على المحجّجة البيضاء ليلها كنهارها لا يزيغ عنها إلاّ هالك فمن يطع الله ورسوله فقد فاز فوزا عظيما ومن يعصى الله ورسوله فقد ضلّ ضلالا
مبينا أشهد أن لا إله إلاّ الله وحده لا
شريك له وأشهد أنّ محمّدا عبده
ورسوله اللهمّ صلّ وسلّم عليه وعلى أله
وصحبه
أمّا بعد , فيا أيّها الناس اتّقوا الله واعلموا أن الله تعالى قال لنا لقد جاءكم رسول من أنفسكم عزيز عليه ما عنتّم
حريص عليكم بالمؤمنين رؤوف رحيم التوبة 128
Poro sederek kaum muslimin ingkang kawulo hormati
Dinten
meniko JUMAT tanggal 5 R.Awal, pikiran kito jling enget dumateng
kelahiran/miyosipun priyantun agung inggih meniko Nb. Muhammad s.a.w, ingkang
sampun dipun pilih kalian Allah swt lan dipun utus pinongko dados rahmat kagem
jagad raya meniko.
Piyambakipun
pantes dipun emut-emut lan dipun pengeti jalaran anggadahi riwayat hidup
(biografi nabawy) ingkang suci, arum lan tetinggalan arupi risalah ingkang
abadi isi tulodo, pitedah, lan tuntunan kagem gesang lan sangune pati. Sedoyo
ingkang arupi tindak tandukipun, pangandikanipun, kebijaksanaan lan uwoh
pikiripun karingkes ing kitab hadist, kadosto Kitab Asshohihain,
Al-Kutubussittah, Al-Jami’, Al-Mushonnaf, Al-Musnad lan kitab-kitab sirah
ingkang kaserat umpaminipun dening Ibnu Ishaq, Ibnu Hisyam, Ibnu Katsir lsp.
Piyambakipun inggih puniko satunggalipun pribadi ingkang berbudi tinggi,
berbadan sehat, berpengetahuan luas, berfikiran namung kados ingkang dipun
kersaaken gusti Allah s.w.t wonten Al-qur’an
وما ينطق عن الهوى إن هو إلاّ وحي يوحى علّمه شديد القوى
Lan, ora pisan-pisan opo sing diucapne iku miturut howo
nefsune (sak karepe dw ), ananging ora liyo kejobo wahyu kang diwahyoake
(marang dwke), kang diajarake marang deweke karo malaikat Jibril kang banget
kuate. An-Najm 3-5 .
Mboten namung
dipun pengeti ananging ugi kedah dipun idola-I, dipun tiru dan gugu sedoyo
dawuh pangandiko lan tindak tandukipun
لقد جاءكم رسول من أنفسكم عزيز عليه ما عنتّم حريص
عليكم بالمؤمنين رؤوف رحيم
Sak temene wus teko marang siro kabeh sawijining
rosul/utusan songko jenis bongsomu dewe, deweke melu ngroso abot ing samubarang
opo kang tok roso sengsoro, kepengin banget yen kowe kabeh (iman lan slamet),
banget olehe welas lan asih marang sepodo-podo mukmin/ At-taubah 128
Poro sederek kaum Muslimin ingkang minulyo
Minongko
mukmin, muslim kito sedoyo perlu nyumerapi, memahami lan mangertosi
babagan/sisi robbany saking biografi rosululloh, kados pundi ibadahipun, sholat
poso dzikir tahlil tasbih takbiripun, dedongo nyuwun ampun kangge diri keluargo
istri putro-putro lan sedoyo mukmin muslim, nyuwun sugih barang halal adoh barang batal, sugih taat adoh
maksiat, liripun pribadi rosululloh naliko semanten sanget bertentangan kalian
kawontenan sak kiwo tengenipun. Ibadahipun lillah mboten ibadah lil jaah
(jw-nipun :lil-wah). Suko cito senengipun manggen wonten wanci sholat mboten
wonten wanci njagong, ngobrol dolan lan njajan, lambenipun tansah teles
olehipun dremimil nyebut asmo Allah mboten teles mergo omben, teler, ngomel lan
misuh-misuh. Agemanipun sopan, jubah nutupi aurat mboten bolong-bolong,
mbentuk, ngapret lan ketat. Suantenipun wanci ngendikan lirih, jelas, ringkes
mboten bengok-bengok, etes lan judes. Kekiatan phisikipun siap kagem perang
nglawan musyrik, munafik kafir quraisy mboten kagem ngrampok, njarah, tawur lan
bubrah-bubrah. Melek dalunipun kagem qiyamul-lail mboten kagem judi, jail lan
srail. Sedoyo meniko ndadosaken Nabi Muhammad putro Abdullah pinongko Nabi
ingkang ajejuluk Al-amin, lan kados salam-salam wonten kitab berzanji.
Dawuhipun gusti Allah Ta’ala : Sak temene wus ono ing diri pribadi rosul Allah
Ta’ala iku tulodo, conto kang apik lan becik tumrape wong-wong kang ngarep-arep
rahmate Allah lan tekane dino kiyamat lan deweke kang okeh nyebut asmo Allah/
Al-ahzab 21.
Poro sederek kaum muslimin ingkang minulyo
Lir
gumantinipun mongso, swasono lan budoyo – perkembangan nalar akal lan budi -
roso, karso lan cipto - kognisi, konasi lan psychomotorik - kemajuan ilmu
pengetahuan, tehnologi lan spriritual - pencapaian IQ ingkang duwur ingkang
boten dipun dibarengi kalian pencapaian EQ lan ESQ - ugi tuntutan kebutuhan
dumateng barang lan jasa/pelayanan kadang ndadosaken coro pikiripun sawenehing
tiang dumateng perkawis-perkawis agami, ibadah lan akhlaq sopan santun
terpengaruh lan milih-milih. Ibadah ingkang mboten tinemu nalar (mahdhoh),
kewajiban kewajiban dumateng Allah, sunnah-sunnah rosul ingkang mangan wektu
lan tenogo - dipun anggep melanggar HAM. Aspek ibadah ingkang orientasinipun ganjaran
(sanes hasil utawi bayaran), dipun anggep barang muspro guang-guang tenogo.
Perkawis awisan agami (judi, prostitusi, miras lan narkoba) namung jalaran
saged memenuhi tuntutan ekonomi lan pembangunan dipun lokalisir, di dol
tinuko-aken, nauudzu billahi min dzalik. Dr. Abdullah Shahab, satunggaling
dosen wonten Fakultas Tehnik Elektro ITS, ngendikan “ sebab utama tidak
teramalkannya ilmu semata-mata orang menggunakan rasionya “ tegesipun ilmu-ilmu
ingkang mboten tinemu ngakal- opo sebab lan opo manfaat-e ora bakal dilakoni.
Pramilo jalaran meniko supados ilmu agami meniko saged dipun amalaken - Ary
Ginanjar Agustian setunggaling ahli psikologi lan da’I kondang ngendikan “
supados dalem diri pribadi seseorang enengo ingkang naminimpun Emotional
Spiritual Quotion (ESQ) inggih puniko semangat batiniyah kangge mahami God Spot
bilih Gusti Allah meniko wonten, suwargo neroko wonten, ganjaran lan sikso
inggih wonten. Mboten namung sekedar ajaran becik ketitik olo ketoro, sopo
agawe olo bakal oleh karmo sopo agawe becik bakal nyuwiji karo kang moho kuoso.
Jelasipun kagem nggayuh ganjaran lan suwargo hinggo nyuwiji panggih Allah swt
kedah mawi amal sholeh ingkang dipun dasaraken syari’at ingkang kamot wonten
Al-quran lan Al-hadist.
Poro hadirin sederek sedoyo ingkang minulyo
Monggo
Pengetan Maulid Nabi Muhammad saw meniko kito semangati kanti ngenyari niat
kangge ngimani ajaran nabi, ngrungkebi dawuh-dawuhipun lan usaha kanti tenanan
mbekto kehidupan rosulullah dumateng kehidupan ing ndalem kito piyambak-piyambak.
Kito resepi estu-estu suraosipun kitab berjanji, kito kumandangaken lagu “
Bulan Maulud Kelahiran Nabi “. Kito critaaken sejarah gesangipun kenjeng Nabi
dumateng lare-lare lan akhiripun kito pundut inti ajaranipun supados gesang
kito runtut kaliyan kanjeng nabi lan pikantuk syafaatipun mbinjing ing dinten
qiyamat.
جعلنا الله وإيّاكم من الفا ئزين الأمنين وأدخلنا وإيّاكم في زمرته الموحّدين أقول قولى هذا وأسنغفر الله لى ولكم ولسائر
المسلمين والمسلمات والمؤمنين والمؤمنات ويانجاة التائبين أدخلهم جنّتك النعيم
برحمتك ياأرحم الراحمين
Baca juga: Hadits tentang berpegang teguh kepada kebenaran
الخطبة الثانية
الحمد لله الذي ألف الإسلام بين قلوب المسلمين
وأوجب الاتحاد وحرم التفرق في كتابه المبين. أشهد أن لا إله إلا الله هدى من شاء
إلى الصراط المستقيم. وأشهد أن حمدا رسول الله خير داع إلى الطريق القويم. اللهم
صل وسلم على سيدنا محمد وعلى آله وصحبه الذي تهذبت نفوسهم واتحدت قلوبهم فكانو
السادة المنصورين.
أما بعد فيا عباد الله وأصيكم وإياي نفس بتقوى
الله وطاعته لعلكم تفلحون.
اللهم اغفر للمؤنين والمؤمنات والمسلين
والمسلمات الأحياء منهم والأموات إنك قريب مجيب الدعوات. اللهم أعز الإسلام
والمسلمين وأصلح ولاة المسلمين والف بين قلوبهم وأصلح ذات بينهم وانصرهم على عدوك
وعدوهم ووفقهم للعمل بما فيه صلاح الإسلام والمسلمين. اللهم أهلك الكفرة والمبتدعة
والمشركين أعداءك أعداءالدين. اللهم شت شملهم ومزق جمعهم وزلزل أقدامخم ودمر
ديارهم وألق في قلوبهم الرعب إنك على كل شئ قدير. ربنا هبلنا من أزواجنا وذرياتنا
قرة أعين واجعلنا للمتقين إماما.
اللهم اجعلنا من أهل العلم والخير والهدى
والتقوى والعفاف والغنى. ربنا آتنا في الدنيا حسنة وفي الآخرة حسنة وقنا عذاب
النار.
عباد الله إن الله يأمركم بالعدل والإحسان
وإيتاء ذي القربى وينهى عن الفحشاء والمنكر والبغي يعظكم لعلكم تذكرون. أقم الصلاة!